اليوم فرحنا لك يا خيْ

زجل : صلاح الخداش

احزنا كثير بكينا كثيــــــر              هـد الحيل طـول التفكيـــر

لازم نبدأْ بالتعمــيــــــر              ولازم  ننسى الأحـزانـــــا

لازم نفرح ونغنــــــــي              بأرض فلسطين  الـجـنــــة

خـذوا  هـالأشعار  منِّــــي             وغنُّــوا عتابا وميجـانــــا

   اليوم فرحنا لك يا خــــــيْ             هذا العم وهـذا  الـبـَــــيْ     

تـحية منِّـي لهذا الـحــــي             سـمـِّعـونـا  دلعـــونــا

انت يا أحلى  العرســــــان             يا زينة  كـل  الشــبـَّـــان

حولك باقـة هـالإخــــوان             ورد  وفـل  ويـاسـمـيـنــا

صلُّــوا عـالنبـي صلُّــــوا             حبابك يـا عريـس هـلُّـــوا

حيِّـي ضيوفنـا اللي حـلُّـــوا             أهـلا وسـهلا بـمـن جـانـا

تـحـية منِّـي  للنـبـليـــة              بدنا السـحجـة والدحـيـــة   

شـدوا الدَّيـة عـالدَّيـــــة             وأخـت العريـس فرحـانـــا

دكتور صالــح يا حبيــــبْ            يـا فطيـن  يـا  لـبــيــب

للنـدا انـت مـجـيــــب             للـمـحـبــة عـنـوانـــا

تـحية منِّي لأبـو زيـــــاد             عـلـم عا روس  الأشـهـــاد

أصحابـه بكل  الْـبـــــلاد             من غــزة  لـجـنـيـنـــا

اللــه   يـحييــكم اللـــه             فـي  مديـنـة رام اللـــــه

زغرودة  أختــي  يـا  اللـــه            وهُلِّـيـلـة باللـه اعطـيـنــا

نـاولـنـي كاســة  ميَّـــه             يـا عـريــسُ  يـا خيِّـــي

تسوى ألفيـن وميـــــــة           وكـل الأهـل  إخـوانـــــا