دلعونا لبيت نبالا

****************

يا محلى التِّينة يا محلى العنبةْ
وزيتون بلادي ينور لي دربي
وكل اليوم الفجر بدعي لَربي
نرجع للوطن أرض فلسطينا
*************************
يا بيت نبالا ما حلى هواكِ
جنَّة الدّنيا بعيني أراكِ
روحي مع دمِّي ومالي فداكِ
عنِّك ماتْخلَّى لو قطَّعونا
****************************
قمحْ وشعيرْ وسمسمْ زرعنا
وبعد الحصيدة زهزهْ بيدرنا
ولمِّينا الغلّة ْ وميجانا قلنا
وشباب الدَّبكة غنُّوا دلعونا
*****************************
لابعث تحيَّة وارسلْ سلامي
لاهل بلدنا زود احترامي
شجرة الزيتونْ صارت علامةْ
لبيت نبالا في فلسطينا
*******************

زجل: صلاح الخدَّاش